NAGING abala na ang paaralan ng Purif sa nalalapit na pagsisimula ng taunang Tagisan. Sa nakalipas na ilang linggo nina Beazt at Speed sa paaralang ito ay unti-unti na nilang nakakasanayan dito.
Si Speed, naging kaibigan na rin si Luke. Nagkaroon ng kaunting pagbabago sa Manchester na ito magmula nang araw na talunin ito ni Beazt. Pero paminsan-minsan lang din nilang nakakasama ito. Nararamdaman ni Speed na medyo may pagkailang pa ito, ngunit sapat na ang kaunting kilos ni Luke na nagpapahiwatig na unti-unti na nitong tinatanggap sa sarili ang pagkakaibigan nila.
Sina Enma at Mirai, likas na pala-kaibigan ang mga ito. Ang una nilang naging kaibigan ay sina Shilva, Claude at Odessa. Madalas na rin nilang nakakausap ang halos lahat ng kasamahan nila sa dormitoryo na naging dahilan up
