Chapter 36
LOREBEL 'LORRIE'
Hindi ko alam kung saan ko pa kinuha ang lakas ng loob para mag-isang siputin ang taong kikitain ko sa araw na ito.
Ngayong araw, alas sais ng gabi ay tumupad ako sa instruksiyon ng lalaking pinangalanang Cedric Kho ni Helena.
Isang tila abandonadong talyer itong ibinigay niyang address noong huling pag-uusap namin at ang mas nakakabahala pa ay halos wala akong napapansing dumadaan na mga tao o sasakyan sa malapit. Kung mayroon man ay paisa-isa lang.
Ayon sa tipid na impormasyong ibinahagi sa akin ni Helena ay nakilala niya ang Cedric Kho na ito noong nakaraang buwan nang napilitan siyang sumama sa kanyang kaklase na mag-bar. Natipuhan siya nitong si Cedric Kho at mula nang magkakilala sila ay naging masugid na raw itong manligaw sa kanya. Inupahan pa raw
