Chapter 38
LOREBEL 'LORRIE'
"Alam mo, parang nagi-gets ko na."
"'Yong ano?"
Bumukas ang nakapikit kong mga mata dahil narinig kong nag-usap 'yong mga bagong pumasok dito sa CR.
Dalawang babae. Empleyado ang mga ito rito sa kompanya ni Hector. Naririto kasi ako ngayon dahil nga'y hindi ko mabali ang mando ni Hector na araw-araw na akong sasama sa kanya rito sa kompanya niya para maging kanyang utusan.
Nitong nakaraang limang araw ay hindi niya ako pinapabalas sa opisina niya. Ginawa niya akong tagalinis sa buong opisina niya, taga-ayos ng mga papeles niya, taga-gawa ng kanyang pagkain at siyempre ang regular na parausan niya. Maparito sa opisina niya o sa penthouse, kapag gusto niya ay kailangan kong pagsilbihan siya sa kama.
Kaninang bago nagtanghalian ay may dinaluhan na meeting
