HAPPY
KAHIT iilan lang kaming nagsalo sa dinner party ni Miss Jass, naging masaya naman. Ni hindi ko naramdaman na na-ou-of-place ako kahit pa nga magkakaibigan sila at matagal nang magkakilala. Hindi hinayaan ni Ray na maramdaman ko iyon. And besides, mababait naman ang mga kaibigan niya kahit may taglay na kapilyuhan lang talaga. Lalo na si Craig. Sinasadya talaga nito na asarin si Ray, lalo pa at napansin din yata nito na pinagseselosan niya.
Pagkatapos naming kumain ay nag-inuman na kami. Pero dahil wala akong lakas ng loob na makipag-inuman nang matagal at baka kung ano na naman ang magawa ko kapag nalasing, nagpaalam na lang ako na sasamahan ko sina Kaycee at Vanessa na maligo sa swimming pool. Hindi naman nila ako pinilit, lalo na at si Ray na rin ang nagsabi na bawal nga raw akon
