Nang maiahon ko ang aking sarili mula sa pagkakalublob sa tubig ay nakita kong nakatingin sa akin si Gio at Logan. Ang kaninang nakaupong si Gio ay napatayo dahil siguro sa nangyari sa akin. Bwisit!
Lumangoy ako papuntang hagdanan at nahihiyang umakyat doon para makaahon na ng tuluyan sa swimming pool.
Hindi man ako tumingin kay Gio ay alam ko at nararamdaman ko ang pagpipigil niya pero gustong-gusto niyang matawa sa nangyari. Sa isip-isip ko naman ay panay ang aking pagmumura.
Iniisip ko kung paano ako papasok sa loob ng bahay dahil tumutulo ang tubig. Ayoko namang magkalat sa loob dahil alam kong malinis na iyon.
“Here.”
Napalingon ako sa kanya at nakita ko si Gio na inaabutan ako ng tuwalya. Hindi siya nakatingin sa akin dahil may kausap pa rin siya sa telepono.
Kinagat ko ang ak
