Take out foods ang madalas na pagkain sa hideout. Ayaw niya ng luto ko at di daw masarap. Mabuti naman at di na ito dagdag pa sa aking gawain sa araw-araw. Iilan lang kami sa hideout pero may mahihigpit na bantay. Ibang mga tao ang nandoon at hindi ang mga kasama namin sa mansyon. Mukhang mga goons at mukhang kakainin ako ng buhay kapag may ginawa akong mali.
Meron sa pinto na nagbabantay at di ako pinalalabas kahit sa hardin. Mas mahigpit ngayon si Nathan lalo na at may banta sa kanyang buhay.
Umaga nang mapansin kong walang bantay sa may pinto. Inip na inip na ako sa loob ng bahay kaya agad akong nagtungo papalabas para tingnan lamang ang paligid. Naisipan kong maglibot sa malawak na lupain. Wala sa isip kong tumakas dahil alam kong may ilan pa syang bodyguards sa paligid. Task nilang
