Tatlong oras ang byahe sa lubak-lubak na kalsada. Kaya ganoon pa katagal ang paghihintay ko sa lalaki. Mababait naman sila dito at welcome ako sa kanilang lugar kaya wala namang gaanong problema kaso nga lang ay panay tukso nila sa akin at kay Juan na kailangan na rin daw mag-asawa kagaya ng kapatid niyang si Jose. Kung si Jose, maaatim ko pa ang itsura pero si Juan, I’m sorry but I can’t. Major makeover ang kailangan talaga nito.
“Ama, may asawa na si Doktora,” patuloy na paalala ni Jose.
“Opo at papunta na sya,” saad ko pa sabay ngiti sa lalaki.
Habang naghihintay kay Berto at Jane ay naligo na muna ako. May baon naman akong damit na pamalit. Mainit kasi talaga at wala pa silang kuryente. Mamaya daw ay gagamit ng baterya ng sasakyan para magkailaw at electric fan sa loob ng bahay at i
