“What did you say?”
Bumuga muli ng hangin si Aleesha bago sinagot ang kapatid. Bakas sa mukha nito na hindi ito makapaniwala sa sinabi niya. Sino ba naman ang mag-aakala na magkakilala sila ni Dylan? Ang masama pa ay nagkaroon sila nito ng anak.
Dahil nais nang maging malinis ni Aleesha pagdating sa kapatid ay hindi siya nahihiya o natatakot na aminin dito ang katotohanan. Ang katotohan na siyang tinatago niya sa loob ng siyam na taon, at isa iyong mabigat na burden sa kanya dahil wala siyang makausap na kahit na sino. Alam ni Elliot na may anak na siya ngunit tulad ng kaibigan niya at ni Elias ay hindi alam ng mga ito kung sino ang ama ng anak niya.
Sekreto ang naging relasyon niya noon kay Dylan, kahit noong kinaladkad siya ng ama mula sa condominium ni Dylan sa Quezon city ay hindi
