"Naku po!" bulalas ni Shaira nang makita niya ang orasan na nakapatong sa ibabaw ng bedside table.
Alas-onse y media na ng umaga pero kagigising niya lang! Iginala niya ang kaniyang paningin sa loob ng silid kung saan siya naroon.
"Kaninong kuwarto 'to? Hindi naman 'to ang kuwartong tinutuluyan ko, ah?" tanong ng isipan niya.
Pinakiramdaman niya ang sarili. Wala naman siyang nararamdaman na kakaiba bukod sa medyo makirot ang ulo niya.
Naparami kasi ang inom niya na hindi naman talaga niya ginagawa. Wala rin siyang gaanong matandaan kagabi.
Pambihira! Ipinapangako niyang hindi na siya uulit pang muli! Nakakahiya tuloy!
Kung sino pa itong sampid siya pa itong huling nagising!
Nagbilang muna siya ng isa hanggang isang daan bago siya tuluyang bumangon. Inayos niya na rin ng mabuti a
