"Monique, gusto mo bang sumama sa amin?" Nagulat si Shaira nang puntahan siya ni Yna dito sa bahay niya.
Papasok na nga sana siya sa restaurant niya dahil kanina pa siya tinatawagan ni Kevin kaya lang ay hinarang naman siya nito.
"Saan, Ate?" takang tanong niya.
"Sa Bicol."
Tiningnan niya ito ng may kasamang pagtataka. Nakasinghot ba ito ng katol? Bakit naman siya nito isasama sa Bicol? At ano naman ang gagawin nila roon?
"Ano po ang meron do'n, Ate?"
"Malapit na kasi ang fiesta sa lugar namin kaya naisipan kong isama ka. Lahat ng bahay doon ay may kaniya-kaniyang pagkain na ihahanda sa lamesa dahil iyon na ang nakaugalian doon. Huwag kang mag-alala dahil hindi kita papagurin do'n. Hindi kita uutusan na magluto para sa handa namin dahil maraming magagaling magluto roon," pahayag ni
