"Hoy, Ivan!" Biglang tumalsik ang kaluluwa ni Ivan nang hampasin siya ni Shaira ng unan sa mukha ng buong lakas. "Hatinggabi na kaya gumising ka na. Dinaig mo pa si sleeping beauty, ha. Bakit wala pa sina Ate Yna? Akala ko ba susunod sila sa atin? Alas-sais ang alis nila roon sa townhouse n'yo, 'di ba? Eh, bakit wala pa sila rito hanggang ngayon? Niloloko mo lang ba ako, ha?"
Ang sama ng tingin sa kaniya ni Shaira ngayon. Kapag nalaman nito na ibang resort ang pinuntahan nila ay siguradong makakatikim siya rito.
Sa kabilang resort kasi nagpa-reserve ang kapatid niya samantalang siya ay dito naman sa kabila. Ni isa man sa mga kamag-anak niya ay hindi alam ang ginawa niya.
"I don't know," maang-maangan niyang tugon. "Na-traffic lang siguro sila."
"Bakit hindi mo alam? Tawagan mo nga sil
