"Good Morning, Ivan! Ang ganda ng suot mo, ah. Saan ang punta mo?" Napatingin si Ivan kay Shaira nang batiin siya nito.
Kagaya niya ay mukhang papasok na rin ito sa trabaho nito. Simula nang pumayag siya na maging magkaibigan silang dalawa ay feeling close na ang babae sa kaniya.
Tumakbo ito palapit sa kaniya. "Saan ang punta mo, mahal kong kaibigan?" tanong ulit nito. "Ang guwapo mong tingnan sa suot mo ngayon, ah."
Nakasuot kasi siya ng business suit dahil may meeting siya mamayang alas-diyes.
"Sa trabaho," tipid niyang tugon.
"Puwede ba akong sumama sa trabaho mo?" tanong nito dahilan para magsalubong ang mga kilay niya.
At ano naman ang gagawin nito kapag sumama ito sa kaniya? Mangungulit habang nagtatrabaho siya?
"Hindi puwede. Hindi ka rin naman papasukin doon dahil hindi k
