Nabigla si Shaira nang sabihin ni Nicanor na isa itong tubero kaya naman sinabi na rin niya na isa siyang labandera kahit pa nga hindi siya marunong kung paano maglaba.
"Labandera ka?" tanong ng isa sa mga lalaki na sa tantiya niya ay mga kaibigan ito ng may-ari nang bahay na pinasukan nila ni Nicanor.
"Opo, isa po akong labandera," magalang niyang sagot. Nakasuot ang mga ito ng business suit kaya sigurado siyang hindi basta-basta ang mga taong nasa harapan nila ni Nicanor. "Kung magpapalaba po kayo, ako na lang po ang kunin niyo," dagdag niya pa para magmukhang totoo ang pagpapanggap niya.
Hindi naman siguro siya kukunin ng mga ito para lang maglaba.
"At ikaw naman tubero, tama ba?"
"Oo," tinatamad na sagot ni Nicanor kaya pinandilatan niya ito ng mga mata pero hindi siya nito pinans
