Seryosong nakatingin sa akin si Wallace at naghihintay ito ng isasagot ko sa kanya. Muli akong tumikhim.
“K-Kay Inay na kawali at kaldero iyan. Hinugasan ko kanina sa labas ng bahay, ngunit nahulog naman sa lupa, mamaya ko lang ulit lilinisan,” anas ko sa lalaki. Mabuti lang at hindi ako nabulol sa pagsasalita.
“Ganito rin kasi ang nakita ko kanina na dala-dala ng isang pulubing sosyalera,” anas pa ng lalaki at tila hindi pa naniniwala sa aking mga paliwanag.
“Ano ka ba, karamihan sa mga kawali at kaldero ay magkakamukha,” muling sagot ko sa lalaki.
Hindi ito nagsalita, hanggang sa ibaba na lang nito ang hawak-hawak, lumapit ito sa aking likuran ay niyapos ako nang mahigpit. Inamoy-amoy rin ng lalaki ang aking leeg.
Ngunit agad ko itong inawat at baka kong saan kami makarating. Tumigi
