"Baka, may mahalaga siyang sasabihin sa akin," sambit ko.
"Important matter? Araw-araw na nga kayong magkasama sa campus, tatawagan ka pa niya?" gagad ni Lindon sa akin, sabay patay sa tumatawag na Thomson.
Binitiwan niya ang phone ko. Kulang na lang ay ibalibag niya iyon.
Huminga ako nang malalim. "Baka, tungkol sa trabaho."
"Tssk, nasa bakasyon kayo, kaya huwag mo 'kong lokohin," muling gagad niya sa akin.
"Kahit nasa bakasyon kami, may trabaho pa rin kaming tinatapos. At saka, nagkalinawan na tayo noon tungkol dito, hindi ba?" saad ko.
"Noon ' yon, Dafne, at nagbabago rin ang tao, parang tayo. Nabago ang plano natin. Imbes na sa isla tayo magbabakasyon, naging Tagaytay," gagad niya sa akin.
Hindi na lang ako nagsalita dahil iba na naman ang tono ng boses niya.
Nagluto n
