Kinabukasan tamad na tamad ako sa duty ko. Pang-gabi ako ngayon dahil na rin sa request kong off kahapon. Walang masyadong guest dahil araw ng Lingo. Kaya naman naupo muna ako sa loob ng bar at nagsulat na lang sa log book. Tumunog ang chime ng entrance pero hindi ako kumilos. Nariyan naman si Nica, kaya kampante akong ipinagpatuloy ang pagsusulat na ginagawa ko.
“Hi Sir, good evening!” Narinig kong bati ni Nica sa guest.
“Hello! Ahm, can I have the usual?” narinig ko namang sagot ng guest.
Kilala ko ang boses na iyon. Hindi ako maaaring magkamali. Si Sir Rusty iyon! Kaya naman dali-dali akong tumayo dahilan para tumama ang kanang balikat ko sa handle ng fridge na katabi ng inuupuan kong lata ng kape. Napasinghap ako sa sakit at napabalik sa pagkakaupo.
“Are you okay?” narinig kong tan
