16
Suzy
NILAGYAN NI MERVIN ng maraming pagkain ang plato ko. "Pati ito, kain lang nang kain dahil alam kong kulang pa sa 'yo 'yan," pang-aasar niya.
Naiilang naman akong tiningnan ang iba pa naming kasama sa mesa pero ang lalaking ito ay parang walang pakialam. Mga nakakalokong tingin ang pinupukol ng mga kaibigan ko sa 'min kaya naman mas lalo akong naiilang.
"Ayos lang ako. Tigilan mo na nga! Hindi ko naman mauubos lahat 'yan," saway ko sa kaniya.
Umiling-iling naman siya. "Hindi. Ayokong mangayayat ka kaya kainin mong lahat 'yan."
"Ayos nga lang, Mervin. May klase pa ako mamaya kaya baka sakitan pa ako ng tiyan," apila ko pa.
May panibagong defense kasi kami mamaya kaya ayoko namang sakitan ng tiyan at hindi matuloy. Kapag sinakitan talaga ako mamaya ay siya ang sisisihin ko!
"
