"Helena, ikaw pala ang ibinoto na papalit na dean sa Nursing Department? Nabalitaan ko lang ngayon sa mga kasamahan kong propesor."
Umiling ako sa tanong ni Prof. Rhealyn na palapit sa table ko habang ako naman ay abala na sinalansan ang mga gamit ko na dadalhin ko mamaya sa duty ko sa ospital. Kakatapos lang ng meeting at heto ako naghahanda rito para basahin pa at analisahin ang ilang tungkulin na gagampanan ko rito sa HNU simula bukas.
Biglaan ang lahat at hindi ko akalain na mapapaaga ako ng upo. Nag-sub lang ako ng dalawang subject kaninang umaga tapos mga bandang alas-dos ay nagpatawag ng meeting si Daddy. Via video call siya at hayun na nga, binoto ako para maging assistant dean agad-agad. Next month pa niya ite-take over ang pamamahala ng HNU sa akin pero dahil may dalawang profe
