EULYN KRIS
"Woi, ano ang nakita kong tinginan n'yo ni boss ha, Speed? Ang lagkit Inday, mukhang nakilala ka ni Intsik," sabi pa sa akin ng tsismosang si Jade, pagbalik namin sa aming barracks.
Sinamaan ko siya ng tingin. Hindi talaga titigil ang babaeng 'to sa maraming tanong. Simula ng i-dismiss kami ni Sir Everette, hindi na ako tinantanan ni Jade.
Kung tutuusin ito ang may kasalanan kung bakit ako napansin agad ni boss Chinito. Sukat ba naman hinila ako sa unahan ng hindi namin napag-usapan. Kung hindi ko pa alam gusto lang nito mag papansin kay boss at kay Sir Everette, kaya madalas doon parati ang gustong p'westo.
Paano crush ni Jade si Sir Everette, pero hindi ko alam kung torpe lang ba talaga ang superior namin at ayaw pansinin si Jade. Masyado kasing seryoso si Sir Everette.
