"Ang harot mo."
Inismiran ko siya at muling nilagpasan. Hawak muli ng dalawang kamay ko ang bowl ng menudo. Maingat na nilapag ko iyon sa lamesa. Pumwesto naman si Nicco sa isang silya. Bumalik ako sa kitchen at kumuha ng mga utensils. Isa-isa ko iyong nilapag sa dining. Una kong nilapag ang plato sa pwesto ni Nicco kasama ang spoon and fork nito sinunod ko yung akin sa katapat na silya niya.
Bumalik muli ako ng kusina, hinubad ko ang suot na apron at muling sinabit kung saan ko ito kinuha kanina. Binuksan ko muli ang ref at kumuha ng isang pitchel na tubig at dalawang baso.
Nicco helps me, kinuha nito mula sa isa kong kamay ang bitbit na babasaging pitchel sabay lapag nito sa lamesa. Nilagay ko naman sa tapat niya ang isang baso at ang isa sa tapat ko bago ako umupo sa pwesto ko.
