“Just stay here. I’ll go and check that part…”
Narinig kong sambit ni Sven matapos akong ihatid sa tent kung saan ang quarters ng mga workers. Pagkatapos ng bagyo ay sobrang init naman ng panahon kaya halos ayaw na n’ya akong paalisin sa tent lalo na at nagsisimula ng uminit ang sikat ng araw. Nasa huling araw kami ng site visit para sa linggong ito at consistent talaga si Sven sa ginagawa n’ya simula pa noong hindi n’ya pa sinasabi sa akin na nanliligaw s’ya.
Tumango lang ako sa kanya at pinanood s’yang naglakad palapit doon kasama ang isang site manager na kasama namin. Nawala lang ang tingin ko sa kanya nang tumunog ang phone ko para sa isang text message galing kay Siobeh. Napasinghap ako at agad na naalalang halos isang linggo na rin pala ang huling pag-uusap namin tungkol kay Sven.
