Awang ang bibig na napahawak ako sa dibdib ko nang mabasa ang message ni Siob sa akin. Kung alam n’ya lang ay nagawa na ni Sven ‘yan kagabi! Nag-init na naman ang mga pisngi ko at natauhan lang nang katukin ako ni Nanay Alice para ipaalam na dumating na raw sina Mommy at Daddy at tinatawag na ako sa garden para sa dinner. Sinabihan ko lang s’ya na susunod na ako at ilang sandaling pinasadahan ng tingin ang sarili sa salamin bago nagpasyang bumaba.
Pagdating ko sa garden ay narinig kong nag-uusap at nagtatawanan na sina Mommy at Daddy. Naririnig ko rin ang tawa ni Sven kaya nang tuluyan akong makarating doon ay tinaasan pa ako ng kilay ni sangko at sinabing hindi ko na kailangang ipakilala si Sven kina Mommy dahil pinakilala na n’ya ang sarili n’ya!
Naupo ako sa tabi ni Sven at tiningnan
