Inabot kami ni Sven ng alas syete ng gabi sa biyahe pauwi galing sa company ng supplier. Bukod sa matraffic talaga dahil Friday ay medyo hindi pa rin ganun kaganda ang panahon dahil sa bagyo na kasalukuyang paalis pa lang ng bansa.
“Goodnight…” sambit n’ya pagkatapos ihatid ako sa harapan ng bahay namin. Inayos n’ya ang payong na ginamit namin sa pagtawid mula sa kotse n’ya hanggang dito sa harapan ng bahay.
“G-goodnight din…” sagot ko habang medyo naiilang sa paninitig na ginagawa n’ya.
“Get inside. It’s cold,” sambit n’ya kaya tumango ako at saka tumalikod na sa kanya. Nakakailang hakbang pa lang ako ay bigla kong naalala na dahil ginabi na kami sa byahe ay hindi pa kami kumakain ng dinner bukod sa kinain naming merienda kanina sa company ng supplier.
“How about dinner?” tanong ko na
