Seven
"Dating gawi guys, ikaw Lina kahit taga hugas ka muna tutal unang try mo pa naman!" sabi ni Batsy na ngayon ay nagmamaneho patungo sa Alpha's Foodie. Ito raw ang may-ari ng pinakasikat na restaurant dito sa The Alpha's Town. Na-excite tuloy akong makita ang restaurant nito. Bata pa lang ito matagumpay na ang negosyo nito. Nakatutuwa naman.
"Gaano po ba kalaki ang restaurant n'yo? Ilan po ang restaurant dito?" bumungisngis ang mga ito. May mali ba sa tanong ko?
"Isa lang Lina, kaya nga ako ang may-ari ng pinakamalaking restaurant eh!" natatawang sabi nito. Napangiwi naman akong tumango rito. Kaya naman pala. Pero nabibilib pa rin ako sa mga nalalaman ko sa dalaga.
"Tsaka mura lang 'yong mga paninda ko!" sabi nito na may malawak na ngisi sa labi.
"Talaga po?" sabi ko na biglang
