Kanina pa nakatayo si Bebe sa pinto ng kwarto niya. Idinikit niya ang tainga para marinig kung may ginagawa ba si Luis o wala. Pero wala siyang naririnig na kahit anong ingay mula sa sala.
Bumuntonghininga siya. Bakit ba nababalisa siya lalo na at alam niyang nasa sala si Luis. Hindi siya makatulog. Sinabunutan na niya ang sariling buhok. Naiinis siya sa sarili.
Humakbang na lang siya patungo sa kama at pabagsak na humiga. Bakit ba siya nababagabag sa presensya nito ngayon? Dapat wala na siyang pakialam. Pumikit siya, pinipilit ang sarili na matulog.
Let's go home.
Dumilat siya dahil sumagi na naman sa isipan niya ang sinabi nito. Ang nagsusumamo nitong boses, ang nakikiusap nitong mga mata. Bwesit! Bumangon siya at ginulo na naman ang buhok.
Tuluyan na siyang tumayo at binuksan ang
