"Saan ka pupunta? Aalis ka pa ba kahit gabi na?" tanong ni Allen kay Angela dahil pagkatapos nitong uminom ay bigla itong tumayo at naglakad papalayo kaya sinundan niya ito. "Angela, tinatanong kita."
"Maglalakad-lakad lang ako."
"Saan?"
"Sa labas."
"Nang ganitong oras?"
"Bakit? Masama bang maglakad-lakad ng ganitong oras? Ito nga 'yong magandang oras para maglakad-lakad dahil tahimik ang paligid, eh." Tumango siya at sinabayan na rin ito sa paglalakad hanggang sa makalabas sila sa gate. "Oh, saan ka pupunta? 'Wag mong sabihin na sasama ka sa akin?"
Nilampasan niya ito at taas-noo siyang naglakad. Hindi niya kailangan magpaliwanag dito dahil siya ang boss sa kanilang dalawa.
"So, sasama ka nga?"
"May bibilhin lang ako sa convenience store," balewala niyang sabi. "Bigla kasi akong
