"Sir Allen, wala naman tayong gagawin ngayon, 'di ba?"
"Wala pero gusto ko na magkulong ka lang sa kuwarto mo," aniya ng hindi tumitingin dito. "Huwag mo akong istorbohin dahil busy ako ngayon. Kung wala kang makausap, tulungan mo si Mang Badong na magdilig ng mga halaman sa hardin."
"Hindi niyo po ba alam na linggo ngayon? Ang araw na 'to ay sagrado kaya bawal po kayong magtrabaho at ganoon din po ako."
Sa pagkakataong ito ay nag-angat na siya ng tingin at mariin itong pinagmasdan.
"Sir Allen, tara magsimba tayo sa Quiapo? Magbawas tayo ng kasalanan tutal wala naman tayong lakad ngayon, eh."
Hindi niya alam kung ano ang magiging reaksiyon niya sa sinabi nito.
May simbahan naman kasi malapit sa lugar nila kaya bakit sa Quiapo pa nito gusto? Siguro pagkatapos nitong magsimba ay gag
