XIAMARA
"ANG GANDA talaga ng bestfriend ko!" bulalas ni Tiffany. Napatakip pa siya ng kanyang bibig na parang nabigla sa naging resulta ng itsura ko.
Nginitian ko siya at sinuri ko rin ng tingin ang kabuuan niya.
"Maganda ka rin naman, Tif," puri ko sa kanya.
"Alam ko ng maganda ako. Pero ikaw hindi mo alam kung gaano ka kaganda ngayon at sa araw-araw. At sigurado ako na matutulala na naman sa'yo si Zi oras na makita ka niya. At kung sakali man na nandoon ang haliparot niyang ex, sigurado akong ma-i-insecure ang lola mo!" tuloy-tuloy niyang sabi na tinawanan ko lang.
Tiningnan ko ang sarili sa repleksyon ng salamin. Ako ang nag-makeup sa aking sarili at ako rin ang nag-makeup kay Tif. Light makeup lang kaming pareho na bumagay naman sa aming dalawa. Sa damit ko naman siya ang namili
