Vala’s POV
Nakauwi na kami sa Pilipinas. Sobrang bilis ng araw. Bitin na bitin pa rin talaga ako sa pag-stay namin sa Korea. Pero sabi naman ni Alaric ay babalik ulit kami doon, soon kapag may time na kami. Isa pa, hindi lang daw doon kami pupunta, iikutin daw namin ang buong mundo. Natuwa naman akong malaman ‘yon kasi, sino ba naman ang may ayaw na maikot ang mundo, ‘di ba?
Pasado alas onse na ng tanghalin at nakahiga pa rin ako ngayon sa kama ko. May jetlag pa kasi kaya ganito.
“Hindi pa ba gising si ate? Excited na akong makita ang pasalubong niya sa akin,” dinig kong sabi ni Vince sa labas ng kuwarto ko.
“Huwag kang bastos, Vince. Tiyak na may jetlag pa ‘yon, maghintay kang magising siya ng kusa,” sagot naman sa kaniya ng ama niya.
Bumangon na tuloy ako. Excited na rin kasi akong
