Katulad ng napagkasunduan ay sa mansion ni Devon dinala ang labi ng mommy nito. Sa unang gabi pa nga lang ay marami nang dumalong mga kamag-anak nito at mga negosyante rin na malapit sa mag-asawa.
Dumating rin ang mga kaibigan niya at mga kaibigang lalaki ni Devon na nakilala niya noong araw ng kasal nila. Sa iisang mesa umupo ang mga ito . Ipinakilala naman ni Devon kina Tanya, Samara at Cathlea ang mga kaibigan nito na sina Gregory,Isiah , Mathew at Antartika. Hindi niya nakita si Leila sa gabing ito, pati nga siya ay nagtataka kung bakit wala ang babae .
Magkatabi sila ni Devon sa upuan. Dumating rin ang mga pinsan nito at isa na si Andrew na naging kaklase rin niya noon.
Umupo ito sa bakanteng upuan na nasa tabi niya at napagitna siya sa magpinsan. Katatapos lamang ng prayer at kas
