Nang matapos ang dinner nila ni Don Roberto ay hindi na siya umuwi pa sa tinutuluyan niyang bahay ni Ethan. Doon na siya natulog sa mansiyon. May mga gamit naman siya doon at may sarili rin itong silid doon. Ayaw lang talaga niyang manatili doon dahil baka masira ang inumpisan niyang simpleng pamumuhay niya sa Canada na malayong-malayo sa pamumuhay niya sa Pilipinas na nagsimula nang makilala niya ang lolo niya.
Marami pa silang napag-usapan ng lolo niya lalo na ng tungkol kay Shalanie. Maraming alam ang lolo niya tungkol sa babaeng minamahal kaya naman hindi na niya pinalagpas pa ang pagkakataon na magtanong ng tungkol dito. Kahit kasi halos mag-iisang taon na siyang assistant nito ay marami pa rin siyang hindi alam tungkol sa dalaga.
Nalaman din ni Samuel mula sa lolo niya na tapos n
