Nakatanggap si Shalanie ng isang bungkos na bulaklak mula kay Jake. Inilagay niya ang mga bulaklak sa flower vase at dinala iyon sa kanyang opisina.
Matagal na niyang kaibigan si Jake at hindi lingid sa kanya na may gusto ito sa kanya. Pero noon pa man ay sinabi na niya rito na pagkakaibigan lang ang kaya niyang ibigay dito. Pero kahit ganoon ay ayaw pa rin siyang tantanan nito at titigil lang daw ito kapag nagkanobyo na siya. Si Jake ay isang business man na half Pilipino half Canadian. Kahit Canadian citizen ito ay magaling itong magsalita ng tagalog. Nakilala ito ni Shalanie sa isang business event na pinuntahan niya noon.
“Hindi kita iniiwasan, Jake. Nasa farm visit talaga ako sa araw na iyan. Ako ang nakatakdang pumunta doon at mamaya na kami aalis,” paliwanag niya kay Jake. Ayaw
