Habang nasa biyahe sila ay biglang bumagal ang takbo ng sasakyan hanggang sa tuluyan na iyong huminto. Naramdaman iyon ni Shalanie kaya napamulat siya. Kapipikit pa lang niya ng kanyang mga mata ng mga sandaling iyon. Nais muna sana niyang matulog dahil alam niyang malayo-layo pa ang biyahe nila.
“Bakit tayo huminto? Ano’ng nangyari?” kaagad niyang tanong kay Samuel. Napatingin din siya sa labas ng bintana ng sasakyan.
“Tumirik tayo, Boss,” mahinahong sagot naman ni Samuel.
“Ha!?” Gulat at pag-aalala ang bumalatay kay Shalanie. Napatingin siya sa orasan. It was twenty minutes past ten. Sobrang ginabi na pala sila. Napatagal yata ang pagkain nila kanina sa fast food.
Sumunod siya kay Samuel nang lumabas ito ng kotse. Tiningnan nito ang mga gulong ng sasakyan at sunod ay ang makina. Na
