Hindi niya maiwasan na mapatitig sa binata habang nagto-toothbrush silang dalawa. Nakatingin lang siya sa repleksyon nito sa salamin. Kakatapos lang nila maligo at ngayon ay sabay naman silang nagsisipilyo.
Kung may makakakita man sa kanila ngayon ay pagkakamalan silang mag-asawa.
"Let's watch a movie," ani nito nang matapos silang mag-toothbrush at mag-ayos. Tanging suot niya lang ay ang boxer shorts ni Riker at malaki nitong t-shirt. Nasampay na ang nasalang niyang damit kanina sa washing machine nito, mabilis na lang 'yon matutuyo dahil automatic naman ang washing machine na ginamit.
Humiga siya sa kama at pinanood itong maghanap ng palabas. "What do you want to watch?"
"Kahit ano na lang," ani niya habang nakatingin sa malaking tv.
"Action?"
"Pwede." Wala siyang maisip kung an
