Inayusan niya si Tasya at tinali ang buhok nito, Ilang araw na itong pumapasok sa nursery school at puro magagandang balita ang inuulat sa kaniya ng teacher nito. Updated siya lagi sa nangyayari sa school sa araw-araw dahil ang teacher nila ay laging may feedback kada tapos ng klase sa mga magulang.
May notebook ito na doon tinatatak ng teacher ang star pag very good ito sa klase at ang isang page no'n ay puno na kaagad sa ilang linggo nito sa nursery. Sinabihan pa nga siya ng teacher na kaya na mag-umpisa ng kinder ni Anastacia dahil iba na raw ang level nito kaysa sa mga kaklase nito.
Magandang balita iyon pero ayaw niya i-pressure ang anak at gusto niya mag-enjoy lang ito sa pag-aaral. Hindi naman niya kailangan na subsob ito sa pag-aaral o laging mataas ang grado, bonus na iyon kun
