وصلوا الاربعه فيلا الراوى وكانت ملاك واسيل مبهورين بجمال الفيلا والجنينه وقفت ملاك قدام الورد الاحمر وفضلت تبصله قوى وهى مبتسمه اسر استغرب وقفتها وقرب منها نداها
: ملاك وقفتى ليه ؟؟
ملاك لسه عنيها على الورد
: مافيش اصل الورد الاحمر ده حلو قوى
أسر ابتسم وبصلها بنظره غريبه
: انتى بتحبى الورد البلدى قوى كده
ملاك ولسه عنيها على الورد ?
: اه بحبه قوى
اسر سرح فيها للحظه وبعدها فوق نفسه واتكلم ببرود
: طيب يالا بلاش دلع
ملاك بصتله بغيظ وضغطت عل سننها بغل
: يالا
دخلوا كان شريف فى انتظرهم على كرسيه المتحرك اول لماشاف ملاك واسيل ابتسم والفرحه بانت عليه
: اهلا وسهلا بالقمرات مرتات عيالى
أسيل ات**فت وبصت على الارض وادم بصلها قوى وسكت
ملاك قربت سلمت على شريف وحست قد ايه هو طيب غير ابنه
: ازي حضرك عامل ايه انا ملاك
شريف ابتسم : الحمد لله يابنتى اسمك حلو قوى ( وبص لاسر ) مشاء الله
