للرجال فقط

البارت التاسع ?

دخلت ملاك ووراها اسيل وقعدوا فأوضة ملاك قربت أسيل منها وهى بتسالها

أسيل : مش هتقولى كنتى عايزانى ليه

ملاك : أدم عايز سكرتيره وطلب منى انزل اعلان اطلب فيه بس انا قولتله انى عندى واحده نفس مؤهلاتى ووافق

أسيل فرحت : بجد يعنى خلاص هتبطلى تلبسى راجل وتروحى بورق مش مزور!!

ملاك بصت للسقف واتكلمت : ليه يارب تبلينى بكميه الغباء الى قدامى ده (بصتها بغيظ) ودى اعملها ازاى انشاء الله اروح اقولهم معلش اصل كنت بكذب عليكم انا بنت مش راجل وكمان مزوره ورقى

أسيل: اه صحيح دانتى لو عملتى كده يبقى بتسلمى نفسك

طيب خلاص روحى قدمى كانك اول مره تروحى وابقى قدمى استقالتك كملاك الراجل

ملاك صبرها خلص: طيب انا مش هتعصب وهكلمك بالراحه انا قدمت اوراقى كلها سليمه مزورتش الا كلمه انثى يعنى كل بياناتى مضبوطه اروح انا بنفس الاوراق واقدم تانى بس من غير ذكر ده كده الغباء بعينه

أسيل بزهق: اوف حيرتينى اومال هتروحى تقدمى ازاى

ملاك بصوت عالى : مش انا الى هروح انتى الى راحه ياغ*يه

أسيل بصتلها قوى وبعدها قامت بفرحه: بجد يعنى انا هشتغل معاكى فى الشركه

ملاك : اه للاسف جهزى ورقك علشان هتيجى المقا**ه بعد بكره

أسيل قامت حضنتها : ربنا يخليكى ليا الحمد لله اخيرا هشتغل واشوف الدنيا

ملاك : هو انا بقولك هنسافر نلف العالم ده شغل ومش هتشوفى الا أدم كل يوم

أسيل بهيام : وياترى أدم ده حلو كده زى ابطال الافلام الاجنبى

ملاك بقله صبر : بت انتى تتعدلى وتركزى فى شغلك علشان تسبتى نفسك انا بقولك اهو مش عايزه مشاكل وحد يقولى انتى الى جبتيها

أسيل بغيظ : مالك ياملاك محسيسانى انك امى وخايفه اخلى شكلك وحش قدام الناس

ملاك : مش قصدى بس عيزاكى تركزى فى شغلك علشان ميحصلش حاجه ويرفدوكى

أسيل : ماشى ماتخفيش وبعدين انا بهزر معاكى هو لو انا مفتحه كده وحٍركه كنت فضلت من غير ارتباط لحد دلوقت

ملاك ضحكت : اقسم بالله هتموتى وتتجوزى

أسيل : يابنتى لو على الجواز مانا كل مشاكلى مع ماما بسبب انى برفض عرسان انا نفسى احب واتحب مش اتجوز وخلاص

ملاك : ربنا يبعتلك الى قلبك يدق له من اول نظره وهو كمان يموت فيكى

أسيل رفعت ايدها ? يارب ايوه كده ادعيلى يالوكه

ملاك: المهم انا جعانه وجايبه شيش طاوك انما ايه تحفه

أسيل قامت : قوليلى الاول ايه حكايه المكافأة الى كملتى بيها فلوس العمليه

ملاك : استاذ أسر حب يساعدنى بس بطريقه محترمه

أسيل استغربت : ازاى يعنى وعرف منين

ملاك : كان عايزنى اسافر معاه دبى

أسيل: يالهوووى تسفرى معاه لوحدك

ملاك : صبرنى يارب !!يابنتى كان عايزنى اسافر معاه على اساس انى راجل مش بنت

أسيل : اه افتكرت وبعدين

ملاك : قولتله انى مقدرش اسيب بابا علشان تعبان سالنى ماله قولتله محتاج عمليه قلب ولما سالنى معملهاش ليه اتحرجت اقوله انى معايش اكمل فلوس العمليه فقولتله هعملها قريب انشاء الله فشكله فهم الى فيها وحب يساعدنى فلقيته زود المكافاه الى قولتلك عليها لخمسين الف

أسيل : والله طلع جنتل مان

ملاك سرحت : فعلا طلع قلبه طيب قوى وبيخبيه ورى بروده

أسيل بنص عين : ومالك سرحتى كده ليه

ملاك : ها ولا حاجه المهم يالا ناكل انا جعانه

*****************

فى مستشفى الأمراض النفسية وصلت سهام واستلمت ورديتها الى بتسهر فيها فى المستشفى وبدات شغلها اطمنت على كل المرضى وعطتهم الادويه الموصوفه ليهم ووصلت لرقيه

دخلت عليها كانت رقيه صاحيه بتفكر فى كلام عفاف ليها وفى احمد الى خ*ف قلبها شافتها سهام سرحانه والابتسامه على وشها الغل زاد فى قلبها قربت منها وابتسمت بصفار

: مساء الخير ياحبيبتى عامله ايه

رقيه استغربت طريقتها لانها دايما بتعملها وحش : الحمد لله كويسه

مدت أيدها لرقيه بالعلاج الى بتخده بس زودت معاهم قرص من الفيل الازرق : خدى ياحبيبتى علاجك

رقيه : بس انا مش عايزه انا بقيت كويسه

سهام : لا مينفعش الدكتور قايل لازم تكملى علاجك كله

اخدت رقيه منها الاقراص بس استغربت ان فى قرص زياده : هو الدكتور زود قرص ليه

سهام اتوترت : هاا معرفش انا جيت لقيته كاتبهم كده

شربتهم رقيه وبصت لسهام وشكرتها خرجت سهام من عندها وهى مبسوطه ان خطتها ماشيه زى ماهى عايزه : اروح بقى اريح شويه واستنى النتيجه

بعد حوالى ربع ساعه سمعت صويت جاى من عند رقيه ضحكت سهام بشر : الشغل بدأ

جريت عليها وبدأت تمثل الخوف عليها: رقيه مالك ياحبيبتى فيكى ايه

رقيه واقفه فوق السرير وعماله تصوت : اابعديه عندى عايز ياكولنى عاااا الحقينى والنبى فى واحد كمان جاى من وراكى عليا

سهام بلؤم: هما مين دول مافيش حد فى الاوضه

رقيه بعياط يقطع القلب : اسدين كبار قوى عاااا الحقونى

سهام : لا انتى حالتك صعبه قوى انا هجيب الدكتور

راحت للدكتور المنواب كان نايم واما صحيته اتنرفز عليها : هو انتى مش شيفانى نايم بتصحينى ليه

سهام : رقيه يادكتور عندها هياج عصبى وعماله تصوت

رد عليها بلا مبالاه: ماتروحى تديلها اى مهدأ

سهام كذبت عليه : عاطتها يادكتور ومافيش فايده الظاهر انها محتاجه جلست كهربا

الدكتور بزهق: روحى نادى على سعد التمرجى وتعالى ورايا

سهام فرحانه من جواها ان كل حاجه ماشيه زى ماهى عايزه راحت جابت سعد ودخلوا اوضه رقيه الى لسه على صويتها

الدكتور : ماهى كانت كويسه حصلها ايه

سهام : معرفش دى فجاه بقت كده وبتقول ان فى اسد عايز ياكولها

رقيه بعياط : بالله عليكوا الحقونى الاسد جاب مراته وعايزين يتغدوا بيا عااااا اهو بيقرب منى الحقنى فى عنكبوت كبير قوى جاى وراهم عاااا انا خايفه والنبى

الدكتور متنح للكلام الى بتقوله : اسود وعنكبوت دى ولا الى اخده حبوب هلاوس

سهام اتوترت : مش عارفه يادكتور بس المهدأ معملش حاجه معها

الدكتور : خلاص هاتها ياسعد نعملها جلست كهربا خليها تتهد واعرف انام

سهام لنفسها : كنت عارفه انك الوحيد الى هتسعدنى باهمالك اعمل فيها الى انا عيزاه

اخدوها على اوضه جلسات الكهربا وهى على صويتها لحد مااخدت جلست الكهربا وبدات تهدا وتنام من التعب

الدكتور : رجعوها الاوضه انا زوتلها الفولت علشان تنام لبكره

سهام : حاضر يادكتور

رجعوها اوضتها ونامت رقيه شبه فاقده الوعى وقفت سهام تبصلها بغل وهى راقده لا حول لها ولا قوه: انتى الى عملتى فى نفسك كده اشربى بقى

تانى يوم وصلت عفاف مع احمد واول مادخلوا المستسفى راحت عفاف لرقيه تطمن عليها زى كل يوم واول مادخلت لقتها نايمه وباصه للسقف وشكلها تعبان قوى قربت منها : رقيه مالك ياحبيبتى

رقيه بصتلها شويه كتير ومتكلمتش عفاف اتصدمت من منظرها وجريت على احمد : الحق يااحمد رقيه

احمد قام بسرعه: مالها فيها ايه

عفاف : مش عارفه دخلت لقتها باصه للسقف ومش بتكلم

جرى احمد على اوضتها ولما شاف منظرها قلبه وجعه قوى : رقيه مالك فيكى ايه

رقيه بصتله بخوف : انت مين وعايز منى ايه

احمد بص لعفاف : ايه الى حصلها !!!!

عفاف : مش عارفه انا سيبها امبارح كويسه قوى وكانت فرحانه

احمد بص لرقيه تانى : رقيه ردى عليا ياحبيبتى مالك حاسه بايه

رقيه بدات تعيط من الوجع الى هى حاسه بيه ومتكلمتش

احمد : قوليلى من الدكتور والتمريض المنوابين بتوع امبارح

عفاف : دكتور عاطف والتمريض سعاد وولاء وسهام

احمد بصلها : طيب هو دكتور عاطف لسه موجود

عفاف :اه لسه موجود

راح احمد لعاطف يفهم منه : قولى ياعاطف في حاجه حصلت لرقيه امبارح

عاطف : اه جاتلها حاله هلاوس بصريه وكانت عماله تصوت والمهدا ماعملش حاجه معاها

احمد قلبه اتقبض : وعملتوا ايه معاها

عاطف : عتطها جلسه كهربا

احمد اتصدم : كهربا !!! ليه ياعاطف دى حالتها مش مستهله كهربا وبعدين انا سايبها كويسه امبارح قبل مامشى ايه الى جد

عاطف : معرفش يااحمد انا كنت نايم بعد مامريت على الحالات لقيت سهام جايه بتقولى انها عماله تصوت وبتقول فى اسد هيقولها

احمد برق : اسد !!!

عاطف : اه والله كان شكلها عامل زى الى واخده حبوب هلاوس

بس هى اكيد حاله الاكتئاب الى عندها قلبت هلاوس بصريه

أحمد بتفكير : عاطف انت نبطشى الليله

عاطف : اه ليه

احمد : لو رقيه جاتلها نفس حاله امبارح ممكن تكلمنى اول ماتعرف

عاطف استغرب : ولو انى مش فاهم حاجه بس ماشى هبلغك

خرج احمد وراح لعفاف الى وقفه قدام رقيه قلبها بيتقطع

:لسه زاى ماهى متكلمتش

عفاف: لا متكلمتش مش عارفه ايه الى حصلها دى كانت امبارح مبسوطه وحالتها كويسه

احمد بوجع على منظرها : انا عايزك تفضلى جنبها ولو حصل حاجه بلغينى

عفاف: حاضر

******************

فى شركه الراوى كانت ملاك على مكتبها ودخل ادم

:ملاك كلمت زميلتك على الشغل

ملاك وقفت: اه كلمتها وهاتيجى بكره انشاء الله زى ماحضرتك قولت

أدم : لاكلمها تيجى دلوقت علشان الشغل متراكم عليا وخلاص جبت اخرى وبعدين عايز اشوف هتنفع وبتفهم ولا لا

ملاك : حاضر هكلهما

اتصلت ملاك على اسيل : بت ياأسيل تلبسى وتجيبى ورقك وتيجى دلوقت على الشركه

أسيل : فى ايه طيب انتى مش قولتى بكره

ملاك : استاذ ادم عايزك تيجى دلوقت علشان الشغل فوق دماغه اخلصى بقى انتى لسه هترغى

أسيل : حاضر بالراحه سلام

ملاك : سلام

فات حوالى ساعه ووصلت اسيل عند ملاك بعد ماالاستقبال اخد بياناتها

ملاك : اخيرا جيتى

أسيل بغيظ : على فكره انا متاخرتش مسافه مالبست والطريق

ملاك بصتها من فوق لتحت : بس ايه الشياكه دى

أسيل : دى اقل حاجه عندى ياماما

ماشى ياختى ثوانى ابلغ أستاذ ادم انك جيتى

أسيل بصوت واطى : الا قوليلى هو المدير بتاعك جوه

ملاك: لا مسافر دبى وهيجى بعد بكره

أسيل : طيب روحى بلغى أدم انى جيت

ملاك بغيظ: الله يخربيتك انا عارفه محدش هيفضحنى غيرك اسمعى انتى تتكلمى معايا على انى ملاك الراجل سمعه

أسيل : طيب خلاص روحى بقى نادى ادم

ملاك قرصتها: اسمه استاذ ادم يازفته

أسيل : ااااه ياباى

راحت ملاك بلغت ادم : خليها تتفضل واتفضل انت شوف شغلك متعطلش نفسك

دخلت أسيل على ادم المكتب كان قاعد قدامه اوراق كتير ومركز فيها ويادوب رفع عنيه بصلها ولسه هيتكلم تنح وكانه اول مره يشوف ست

أسيل اتحرجت من نظراته ليها : احمم صباح الخير يافندم

أدم فاق على صوتها : هاا اه اتفضلى

قربت أسيل وقدمت اورقها ليه : دى اوارقى يافندم وكل الشهادات

أدم رسم الجديه على وشه : احمم انتى نفس دفعت ملاك صح

أسيل: ايو يافندم كانت معايا ااقصد كان معايا فى نفس دفعتى

أدم : ومعاكى لغات ايه

أسيل : انجلش فرنش ايطالى اسبانى ويابانى

أدم : دى نفس لغات ملاك

أسيل : اه تقريبا

وبعد أسئله كتييير وافق أدم على تعينها وطلب منها تبدا شغل على طول واتصل على ملاك :ملاك تعالا مكتبى لو سمحت

دخلت ملاك : نعم يافندم

أدم : خد انسه أسيل عرفها نظام الشغل

ملاك : حاضر اتفضلى يانسه

خرجت اسيل مع ملاك وهى كتمه الضحكه على ملاك وهى متخنه صوتها

****************

عند سهام وصلت المستشفى علشان تستلم من عفاف الى سلمتها الحالات وراحت لاحمد

: ها يابنى هتفضل قاعد كده مش هتروح

أحمد : هتجنن مش عارف ايه الى حصلها

عفاف بزعل : معاك حق الموضوع ده غريب البنت كانت كويسه وفجاه كده حالتها تسوء

أحمد : الى عندها مالوش علاقه بالاكتئاب الى كان عندها انتى عارفه عاطف بيقولى ايه انها كانت بتصوت وبتقول الاسد جاى عليها ياكولها يعنى هلاوس بصريه ودى مش هتيجى بين يوم وليله

عفاف: قصدك ايه يابنى

احمد بتفكير : هقولك بعدين !!!!