Chapter 21
Zari POV
KINABUKASAN, nagising ako sa tilaok ng manok. Sa inaantok kong diwa, hinagilap ko ang kumot at itinakip sa katawan ko. Hindi ko alam kung anong oras ako nakatulog kagani.
Napabalikwas ako ng bangon nang maalala na asawa ko na siya. Bilang asawa niya, kailangan ko siyang pagsilbihan. Dali–dali akong bumaba sa kama at dumiretso sa banyo.
Ten minutes later, I emerged from the bathroom at agad na nagbihis. Isang loose crop top ang suot ko at maikling short. Nagpaganda at nagpabango akong mabuti. Pagkatapos, bumaba na ako patungo sa kusina.
"Good morning, Auntie Pilar," nakangiting bati ko sa matanda, naabutan ko siyang abala sa kusina. "Si Josh ho nakauwi na po ba?"
Ngumiti siya at hinagod ang kabuoan ko. Nawala ang ngiti sa labi ng matanda pagkatapos akong pasadahan.
