Chapter 08
Zari POV
"ZARI?" Napatingin ako sa tumawag sa akin. Noon ay nasa isang bleacher ako nakaupo at tinatanaw ang mga estudyanteng labas–masok mula sa medical building. May mga nagkukumpolan sa gilid, ang ibang nagkukuwentuhan. Napangiti ako kay Claire kahit sa kabila na may mabigat sa dibdib ko.
Lahat ay abala lalo na ang mga graduating student bukas na ang camping nila samantala heto ako, nag–iisa sa sobrang lungkot. Isa sa dumagdag sa sama ng loob ko, mahigpit na habilin ni Josh na hindi kasama ang lower level sa camping, lalo na sa klase namin.
Dinadaan ko sa pakurap–kurap ang mga luhang namuo sa mga mata ko. Tumaas ang mga kamay ko at pasimple kong pinunasan ang mga ito.
Kanina nakita si Kuya Josh kausap si Ara ang campus queen ng University namin. Isa itong nursing student
