Sunshine
MAY ngiti sa labi ko nang magising isang umaga. Walang ingay ng sasakyan, usok mula sa mga tambutso at ingay ng mga nagsasagutang kapitbahay akong narinig. It’s nice to be back home. Marahan akong bumangon at nag-inat. Dito palang sa kwarto ko amoy ko na agad ang niluluto ni Nanay na almusal kaya naman agad akong bumangon, naghilamos at nagsuklay ng buhok saka lumabas para batiin sila.
Biglaan ang pag-uwi ko kagabi. Iniisip ko lang siya noong una tapos natagpuan ko na lang ang sarili ko na bitbit isang backpack sa loob ng bus terminal. Sasamantalahin ko na ang sick leave na binigay sa akin ng Acceron para makasama ang pamilya ko na matagal ko rin hindi nakita. Sapat na kasi sa amin ang voice at video call lang noong masyado akong abala sa trabaho sa Maynila. Sampung taon din ang
