Scar
" Merry Christmas! "
Masayang bati ni Harper habang may hawak na isang tasa ng kape na kalalabas lang ng kusina. May masayang ngiti na nakaplaster sa mga labi nito at napakaliwanag ng mukha niya.
Narito kami sa living room at halatang walang tulog ang lahat. Pati ako ay hindi din nakatulog kahit na nauna kaming umuwi na dalawa kagabi.
" Mukhang masaya ka yata ngayon ungas. Anong klaseng pagkain ba ang nakain mo kagabi para maging ganiyan ka? " si Kuya Seven iyon na siyang unang pumansin kay Harper. " Mukha kang tuta na nakatikim sa unang pagkakataon. Ang laswa ng mukha mo sa umaga. Nakikita ko ang kalandian sa kahit na anong anggulo mo. "
" Paano hindi sasaya iyan. Siguradong may nabiktima nanaman ang kalandian niyan kagabi, siya ang unang nawala eh. Imposible namang natulog iy
