SA KABILA ng pagpupumilit ng kaniyang ama na ihatid siya nito sa condo ni James kinabukasan ay tumanggi parin si Aria. Hindi kasi niya maiwasan ang makaramdam ng matinding guilt lalo na at may nangyari sa kanilang dalawa ng binata kahapon sa naturang unit.
Kumatok siya at hindi nagtagal ay bumukas rin ang pinto. “Breakfast?” ang nakangiting tanong pa sa kaniya nang binata pagkabukas nito ng pinto.
Sa ganda at tamis ng ngiti sa kaniya ni James ay hindi napigilan ng dalaga ang mapangiti narin kasabay ang malakas na boltahe ng kilig na kaniyang naramdaman. Kaya naman sa huli ay natagpuan na lamang niya ang kaniyang sarili na tumango.
“Ikaw ang nagluto ng lahat ng ito?” naitanong ng dalaga nang mabungaran ang nakahain nang almusal sa mesa.
Tumango si James saka sinalinan ng kape ang kaniy
