Namamaga ang mga kalmot at gasgas ko dahil sa ginawa ni Michaella sa akin kahapon. Ngunit kahit marami akong sugat ay hindi ako mapipigilan na puntahan ang anak ko. Isang beses sa isang linggo ko lang nakakasama ang anak ko kaya hindi ako pwedeng hindi magpakita sa kanya. Alas-singko pa lang ay bumangon na ako magluto ng almusal ni Aldrin. Kahit kasi day off ko ngayong araw ay pinagluluto ko pa rin siya ng pagkain. Pagpunta ko sa kusina ay bigla akong nagulat nang makita ko si Aldrin.
"Ay! Kabayo!" sigaw ko. Tumalikod ako at tinakpan ko ang mga mata ko.
Ngayon lang kasi ako nakakita ng lalaki na nakasuot ng apron pero walang suot na damit pang-itaas.
"Good morning, nagluto ako ng breakfast para hindi ka na magluluto."
"A-Ah— t-thank y-you," sabi ko habang nakatalikod ako sa kanya.
"Hi
