Kanina ko pa napapansin na nakatingin sa akin si Aldrin. Hindi ko tuloy matapos-tapos ang niluluto ko dahil nakatitig siya sa akin.
"May dumi ba ako sa mukha?" Hindi ko napigilan itanong sa kanya.
Nakahalumbaba siya sa lamesa at pangiti-ngiti siya sa akin.
"Wala naman sobrang ganda mo nga."
"Huwag mo na akong bolahin 'di ba okay na tayo?"
"Hindi lang ako makapaniwala na asawa na kita ngayon."
"Anong asawa? Hindi pa tayo mag-asawa." Sabay irap ko sa kanya.
Tumawa si Aldrin nawawala tuloy ang mga mata niya. Kitang-kita mo sa kanya ang kaligayahan.
"Magkakaroon na tayo ng pangalawang baby. Hindi pa ba tayo mag-asawa?" Sabay kindat niya sa akin.
"Masyado ka ng advance mag-isip. Hindi pa ako handang sundan si Cedric. Anim na taon pa lang siya."
Ngumiti siya. "Pero ready na akong sunda
