Chapter 11
Nang magsimula ang program ay doon ko lang nalaman na anniversary pala ito ng isang law firm kaya halos lahat ay mga abogado. Mas lalong nag-ingay ang table namin sa mga usapan na naiintindihan ko pero hindi ako interesado kaya sa kalagitnaan ay nagpaalam ako para kumuha ng dessert sa buffet table. Balak ko na huwag munang bumalik kaya binagalan ko at habang kumukuha ay may isang lalaking lumapit sa akin.
“Hi, you are familiar,” sabi nito sabay ngiti kaya bahagyang nagsalubong ang kilay ko sa kanya.
“You are not familiar,” sabi ko at nagpatuloy lang sa pagkuha ng dessert.
“Oh, right, you are Attorney Zobel’s daughter. I am Marcus, by the way,” pakilala niya habang nakangiti pero may kung ano sa ngiti niya na hindi ko nagugustuhan. Presko at parang mapaglaro.
“I have a boyfr
