Chapter 11
Hindi na naman napansin ni Luna ang oras. Gabi na pala, buong hapon siyang nasa opisina at halos dalawang beses lang siyang lumabas doon para magtungo sa banyo. Hindi na nga siya nakakain ng merienda. Panay kape at tubig lang siya. Ala siete na nang makaramdam siya ng antok. Napahikab siya at sumandal saglit sa office chair niya. Kinuha niya ang cellphone niya upang silipin ang screen. May tatlong text messages siya, in-open niya 'yon at binasa. Mula sa unregistered number pa rin at kung ‘di siya nagkakamali ay si Martin ito.
What time will you finish?
I'm waiting downstairs.
Not done yet?
Ang unang text nito ay nitong ala singko y media pa. Halos isang oras na rin itong naghihintay sa kanya. Naisip niya kung nandoon pa rin kaya 'yon sa baba? Bakit naman ito maghihintay sa
