Chapter 14
Mahimbing ang naging tulog ni Luna sa kwarto niya nang umaga na 'yon. Iba talaga kapag nasa bahay na kinalakihan ka. Magaan ang pakiramdam. Wala siyang aircon pero mas presko ang hangin dahil may mga kalapit na puno sa bahay nila. Hapon na nang bumangon siya at naisipan niyang lumabas. Nagulat pa siya nang makarinig na tila may mga ibang boses sa loob ng bahay nila. Naisip niyang baka narito ang ibang kamag-anak niya para kamustahin siya.
Dumiretso siya sa sala at nakita niya na abala ang kanyang ina at tila may mga tao sa labas sa tapat mismo ng bahay nila.
"Nay, ano pong mayroon? Fiesta ba?" Tanong niya sa ina na may bitbit na bilao pa.
"May mamamanhikan," nagmamadaling sagot nito tapos ay nilagpasan na siya nito.
Napakunot lang ang noo niya. Naisip niyang baka sa kapitba
