Chapter 16
Humingi ng paumanhin ang Nanay ni Luna sa mga bisita. Gano'n din naman ang ginawa ni Luna lalong-lalo na kay Badong at sa magulang nito. Umalis din ang angkan nila Badong bago dumilim ang paligid. Samantalang si Martin naman ay kasalukuyang nakaupo sa harap ng hapagkainan at nilalantakan ang kalahating lechon.
"Ikaw, Martin? Hindi ka pa ba aalis?" Tanong ni Luna na nakapamewang pa sa harapan nito.
"Bakit ako aalis? Eh nandito ka? Siyempre, dito lang din muna ako," tugon pa ni Martin sa kanya.
"Kasi hindi mo naman bahay 'to? Bahay 'to ng Nanay ko, kaya bawal ka rito," pagsusungit pa ni Luna.
Nagulat si Luna nang bigla na lang may bumatok sa kanya mula sa likuran.
"Napakamaldita mo talagang bata ka," sermon ng kanyang ina na biglang sumulpot mula sa likuran niya.
"Nanay nam
