TORI | Flashback a week before the wedding . . .
NAGISING ako sa amoy ng sinangag at kapeng barako na bagong laga. Hindi na bago sa akin ito. Sa totoo lang, araw araw ay ganito ang routine ko. Dito ako lumaki sa Hacienda Valeria kasama ng mga magulang ko at mga magsasaka. Sino ba si Valeria? Sya ang yumao kong ina. Ang napakaganda kong nanay at solong anak ni Don Fernando at Doña Laureana Vargas.
Naputol ang pagmumuni-muni ko ng marinig ang boses ni Yaya at nakarinig ako ng tatlong katok mula sa pinto. "Tori, gising na. Alas otso na, mag agahan ka na." sabi nya.
"Opo, babangon na ako." saglit akong dumapa sa kama at nag-inat. Mataas na ang araw kapag ganitong pasado alas otso na. Tumayo ako at tinungo ang banyo. After I emptied my bladder, I took a quick shower and got dressed. Isang s
