Naging abala si Jicko at Erin sa mga nagdaang mga araw. Pero hindi nila nakakaligtaan na bisitahin lagi ang Mommy ni Jicko. Panay din kasi ang hanap nito kay Kiara. Panganay na apo kasi niya ito. Hindi naman kinilalang apo ng Mommy ni Jicko ang anak ni Gayle at Kicko dahil anak sa ibang babae si Kicko. Para sa Mommy ni Jicko si Kiara lang ang apo nito.
Ilang buwan na din na wala silang naging balita kay Kicko ni hindi rin nakita ni Erin si Kicko kahit noong nasa hospital si Austin. Minsan na din niyang naitanong kay Jicko ang tungkol kay Kicko pero maging ito ay wala din balita.
"Love, may bibilhin ka bang pasalubong para sa pamilya mo?" tanong ni Jicko sa kaniya habang nasa byahe sila pabalik sa apartment.
Tatlong araw na lang kasi ang pananatili nila sa maynila. Kailangan na nilang
